Photo by Elkhan Alieff

Son zamanlar  qıraqdan özümə baxıram.

Özümdə ki, fərqi özüm hiss edirəm.

Düzdür hər zaman düşünmüşəm, xoşlamışam etdiyim hərəkətlər (düz vəya səhv) barəsində ətrafımdakı insanlar fikir bildirsin.

Tənqid vəya tərif etsinlər.

Hər ikisini çox sevirəm tənqidi sevirəm çünki onda daha yaxşı iş görməyə stimul yaranır məndə. Tərifi sevirəm ki, hansısa işi davam etdirməyə stimul verir mənə…

Ancaq indi qıraqdakı insanlardan nə düşünürsüz deyə soruşmuram hansısa məsələ ilə baqlı.

Ona görə ki, əsasən mən hərəkətlərimi kimlər nəsə deyir deyə etmirəm. Ürəyim istəyir, daxilim tələb edir deyə edirəm…

Son həftələr çox maraqlı şəkildə davam edir. 2011-in son aylarında ciddi şəkildə maddi problemlərin fonunda işsizlik problemi bərk sıxırdı məni boynuma alıram.

Qan Turalın Kulis.az lahiyəsində mənə yer verməsi azda olsa probləmlərin ən azından yol xərci, siqaret pulunu qarşılamasını unutmaq olmaz.

Dostlarımın Ali Reshin, Cəlil Cavanşirin, Samir Əsədlinin və N!DA-çıların maddi/mənəvi dəstəyini də unutmaq olmaz…

Son aylar isə tam fərqli keçir.

Məhz deyərdim ki, fərqli keçir. 2-3 layihədə iştirak üçün gələn dəvətlər, Yaddaş İ.B-nin Məsuliyyətli Vətəndaş Jurnalisti ol proyektində işimin başlaması son zamanlar hardasan niyə yoxsan, niyə görünmürsən sualına cavab işim çoxdur olur…

Səbəblər vəya səbəbi də bilirəm…

Səbəb O-dur. Daha doğrusu O-nun gəlişidir. O-nun uğurudur. Öz gəlişi ilə uzun müddətdir gözlədiyim yeni marağı, həvəsi, istəyi gətirib mənim üçün. Hər zaman eyni keçən ardıcıl içki məclislərindən bezən adama yeni maraq, həyəcan gətirib.

Bütün bu yaranmış imkanlar onun gətirdiyi uğurdur. Bunu özünə də etiraf  etmişəm…

Bütünlüklə şanslı, uğurlu olmağı, sabaha maraqla baxmağı yaradıb…

Gecənin bir vaxtı qar yağdığı vaxtlarda şəhərdə gəzəndə belə bir fikir istifadə edildi aramızda. Heçbir şey təsadüf deyil. Heç bir görüş təsadüfən olmur. Olan hərəkətlərin, görüşlərin mütləq ki, bir səbəbi var.

Hər son yeni bir başlanğıcdır. Hər yeni bir başlanğıc sonsuzluğa aparan bir yoldur… O yolda ki ancaq bir sözü tam səmimi, əminliklə qəlbdən demək olar…

Hər şey yaxşılığa doğru…

Hər şey yaxşı olmalıdır çünki başqa yolu yoxdur…

Ps. Sinan Çetinin bir qısa filminə baxmışdım. Orda başlanğıcda bir sitat var : Mutlu ol! Bu bir emrdir! Birdən yadıma o düşdü…

Etibar Salmanlı (Etibarlı) 

Foto Pərviz Həsənova məxsusdur

Belə başlıqı olan yazılar əsasən rəqəmlərə statistikalara əsaslanan yazılar olur. Dəqiq rəqəmlər, statistik araşdırmalara falan söykənir yazı. Sözün düzü statistik məlumatları araşdırma yazılarından götürüb bura yazmaq imkanım var idi.

Sadəcə onu etmək istəmədim.

Ziyalılar forumunda iştirak edirdim. Orda iqtisadçı Qubad İbadoğlu maraqlı bir çıxış etdi. Çıxışında bir çox məsələlərə toxundu. Ancaq mənim beynimə onun bir cümləsi həkk edildi. Qubad bəy bir neçə ildən sonra neft/qaz ehtiyatlarımızın tükənəndə vəya azalanda bu yolların, keçidlərin, körpülərin təmiri bizim boynumuza düşəcək. Həqiqətən üzərində düşünələsi məsələdir bu yolların müəyyən zamandan sonra təmiri məsələsi. Neft gəlirlərinin fonunda bütünlüklə gücümüzü tikintiyə sərf edirik bu son illər.

Hər il neft gəlirlərinin böyük əksəriyyəti tikinti lahiyələrinə yönləndirilir. Hər il Bakıda bir çox yeni keçidin, yol ötürücünün açılışı olur. Qırmızı lenti kəsilir.

Bu tikintilərin sonradan isə təmiri üçün büdcədən yenidən pul ayrılır. Nəzərinizə çatdırım ki, büdcə gəlirlərinin böyük hissəsi də neftdən gələn pullardır.

Şəhərin bütün parkları, yol kənarları demək olar ki, analoqu olmayan metlaxlarla, kafellərlə bəzədilib. Hətta magistral yollarda da istifadə edilib.

Hər yeni gələn icra başçısı öz şəhərində yenidən qurmanı ilk olaraq parklardan, yol qıraqlarından başlayır. Yeniləri ilə əvəzlənir yol qırağındakı bahalı daşlar.

Piyadalar üçün nəzərdə tutulmuş bu səkilərə bütünlüklə yeni daşların düzülməsi, parklarda yeni metlax örtüyü gözəllik üçün nəzərdə tutulsada əhalinin rahatlığı nəzərə alınmadan edilib.

Bakıya yağan qarın nəticələri haqqında yazmaq fikrim yoxdur heç bu yazıda. Neçə avtoqəza olub, neçə nəfər dəm qazından boğulub, neçə nəfər yolda gedərkən yolların, səkilərin buz olması səbəbi iıə yıxılaraq xəstəxanalıq olub vəs.

Parklara və səkilərə düzülmüş daşlar Bakıya yağan qardan sonra tamami ilə sürüşkən vəziyyətə düşdü. Gecələrin şaxtalı keçməsi nəticəsində xəstəxanalara gedən insanların böyük əksəriyyəti sırf bu yeni düzülmüş daşların sürüşkən olmasının nəticələridir.

Özüm bu qarlı, buzlu havada 4-5 dəfə sürüşüb yıxılmaq təhlükəsi yaşamışam Bakının analoqu olmayan küçələrində. Hər dəfə də düşünmüşəm ki, bu daşları küçələrə döşəyərkən heç qarı, qışı, buzu düşünməyib Bakı Şəhər Abadlıq idarəsi? Yəqin ki, düşünüblər ki, Bakıda qış olmaz heç vaxt…

Dünən Fəvvarələr meydanına yağan qarı təmizləmək üçün meydana nəzarət edənlər oraları təmizləyirdilər, yoldan keçərkən diqqətimi cəlb etdi ki, təmizlənmə prosesi  bir neçə daşın sınmasına, zədələnməsinə səbəb olmuşdu. Hansı ki, havalar yaxşı olan zaman fikir vermişəm mərkəzdə ən azı 3-4 nöqtədə məhz bu daşları “restavrasiya” edirlər. Məhz bu restavrasiyalar büdcəyə ayrılmış neft pullarının nəticəsində olur. Qubad bəy də məhz onu nəzərimizə çatdırır ki, gələcək də bu çox milyonluq tikinti işləri başımıza bəla olacaq. Bizim uzaqgörən siyasətçilərimiz, hökümət nümayəndələrimiz isə bunu anlamaqda çətinlik çəkirlər. Neft gəlirlərini insan kapitalına, təhsilə xərcləməkdənsə yollara, tikintilərə sərf edirlər. Bunun da nə zamansa zərərini indiki gənclik çəkəcək!

Etibar Salmanlı

Fotolar  Pərviz Həsənov-a məxsusdur.

Heç məsləhət də vermirəm heçkimə…

Çünki hər həyat öz müəllifi üçün daha maraqlıdır.

Hər müəllif  bilir hər şeyin yaxşısını özü üçün…

Yəqin ki, müəlliflərdən yaxşısını bilmək kimi heç kimin şansı yoxdur.

Məsələn adi bir misal yemək stolu arxasında xoşum gəlmir mənim seçimlərimə kimsə nəsə söz desin.

Hərhalda potensialı düşünüb hərəkət edirəm.

Və ya siqaret qutularının üstündə yazılmış. “Siqaret çəkmək sağlamlığınız üçün təhlükəlidir, zərərlidir”. Bunu mən bilirəm. Hətta onu da bilirəm ki, cibimə də ziyandır gündə 2-3 azn siqaretə pul xərcləmək…

Məhz bu tip şeylərə görə adam iyrənir, məsləhətdən də verəndən də…

Çünki bunun adı məsləhət yox müdaxilədir.

Şəxsi həyata müdaxilə…

Konstutsiya ilə qadağan edilmişdir bu məsələ…

Yadınıza salıram…

PS. Elə belə yazılmış yazılmış yazılardan biri…

Hansı ki, elə belə heç tualetə də getmək olmur…)))

Azərbaycanda fəaliyyət göstərən bəzi gənclər təşkilatları “Eurovision 2012” mahnı müsabiqəsi ilə əlaqədar birgə bəyanat veriblər.
Bəyanatda deyilir ki, bəzi Azərbaycanı gözü götürməyən dairələr, o cümlədən bir sıra ermənipərəst qüvvələr yeni bir çirkin kampaniyaya əl atıblar. Həmin dairələr ölkəmizdə baş tutacaq bu möhtəşəm tədbirə kölgə salmaq, bununla yanaşı, Azərbaycanın siyasi imicinə xələl yetirmək üçün səfərbər olunublar. Biz bəyan edirik ki, “Eurovision” musiqi yarışmasına otveçatıq! Onun tükünə zərər gəlsə, ana-bacı söhbətini bir kənara qoyub, həmin dairələri kvadrat şəklinə salarıq! Lazım gəlsə “Eurovision” qeyd olunacağı günlərdə “Gey Parad”da da iştirak edəcəyik! Təki cənab, zatı-aliləri İlham Əliyev və onun möhtərəm xanımı Mehriban Əliyeva var olsun! Təki bizim Qarabağ boyda dərdimiz unudulmasın və davam etsin! Təki Azərbaycanın İlhamlı səsi bütün dünyaya yayılsın! Əks təqdirdə yenə qeyd edirik ki, həmin dairələrin başında təsbeh sındırarıq!

Bəyanat Gənclər üçün Təhsil Mərkəzinin təşəbbüsü ilə aşağıdakı gənclər təşkilatları tərəfindən imzalanıb:

irGənc Vətənşüvənlər təşkilatı
Qaçqın və Məcburi Köçkünlərin Hesabına Dolanan Gənclər Təşkilatı
“İlham Əliyev yaxşıdır, ətrafı pisdir” Alyansı
“92-93də gəlmişdüz də, gördük də” 90-cı ildə doğulan Gənclər Təşkilatı
Azərbaycan Tüllablar birliyi
Gənclər üçün Rüşvət Mərkəzi
Azərbaycan Gənclərinin Absurdistana İnteqrasiyası İctimai Birliyi
Mübariz İbrahimovun adına açılan saytda qız tutan qaqaşlar təşkilatı
Qarabağın Deşiyini Ermənilərə Verib, Mentalitetin Keşiyini Qoruyan Gənclər Uğrunda Hərəkat
Gənclərin Manqurtlaşması Naminə İctimai Bir­liyi
“Robot” Gənclərin İnkişafı İctimai Birliyi
“Hər gün bir əsgər ölsün, xeyir Səfərə qalsın” Gəncləri Maarifləndirmə İctimai Birliyi
Azərbaycan Diktatura Tələbə Gənclər Təşkilatı
Gənclərin Manqurtlaşmasına və Cahilləşməsinə Dəstək İctimai Birliyi
Azərbaycanda Həqiqət Qoymayıb Bu Həqiqətləri Vedrələrlə Xaricə Daşıyan Gənclər Təşkilatı

Mənbə: Fısqırıq İnformasiya Agentliyi

Bunu mənə çox sevdiyim bir insan yazıb. Fərqli bir təbrikdir…

Ad gününü xususi təbrik etmək istədim, amma hamı kimi saat 12-ni keçən kimi yazmaq istəmədim, əksine saat 23:59-da yazmaq istədim, hamı kimi walına deyil, şəxsi yazmaq istədim.
Səni cox az vaxtdıki tanıyıram. O gün, o party günü yadıma dumanlı gəlir. Orda oynayan yerdə qabağıma necə çıxdın xatırlamıram. Yadıma gələn böyründə köynəyi bağlamışdın, onunla oynayırdım, dedinki köynəyimlə oynama. Vecimə də olmadı , içkiliydim)) Orda səninlə  medlenno oynadım…
You are beautiful – mahnısına…
Yadıma gələn anlardan biri də, tər suyun içində idin, saçların burulmuşdu…
Adini soruşmağım da yadımdadı…
Etibar Salmanlı olduğunu biləndə həyəcanlanmağım da, narahat olmağım da…
Narahat oldum çünki o vaxta qədər mənim üçün təsadufi insan idin, amma kim olduğunu biləndə utandım hərəkətimdən.
Ordakı məqsədimi bilirsən də…
Bizi evə yola salmağı mən xahiş etdim, razılıq verdin , onda bildim ki adamı pis vəziyyətdə qoymayacaqsan sən…
Orda oynayanda yıxılan kimi olurdum  amma vəziyyətdən qətiyyən istifadə etmədin, onda da bildimki sənə etibar etmək olar…
Şişmə…)))
Nəisə tanışliğımız normal oldu, çünki çoxları party-lərdə tanış olur…
Nəisə də, çox uzatmayım. Çox vaxt səmimi olmadığını bilirəm, amma mənimlə həmişə səmimi olduğunu da bilirəm. Səninlə ürəyimin ən küncündəki söhbətləri də paylaşmişam. Sirlərimi etiraf etmişəm. Səmimiyyətinə inanmışam çünki…
Çox yaxşi dostsan…Belkə də səhv edirəm, çox az tanıyıram səni. Amma hələki çox yaxşısan.
Sevgili kimi də ideal olduğunu hiss edirəm.
Amma şəxsi problemlərim var, həll etməliyəm, sonrasını da bilmirəm, umumiyyətlə sevgi söhbətinə girmək belə istəmirəm.
Sevgilim çox olub, onlar gəlib gediblər, dostlarımsa o gəlib gedənləri görüblər. Mən dosta çox ehtiyac duyuram, arxamda. səni də hiss edirəm , arxamda (yozmayalım lütfen )
Bu vaxta qədər sənin ən bəyənmədiyim cəhətin tərsliyindi ))
Bundan sonra 25il də yaşasan bəsindi, təki dolu-dolu yaşayasan, mənalı yaşayasan, sevdiklərinlə birgə yaşayasan.
Arzum budurki həmişə özün olasan, arzuların üçün çalişasan, ülvi məqsədlərin olsun, daima onlara qovuşmaq üçün çalışasan, ən böyük ləzzət budu, məqsədlərin üçün getdiyin yoldu, artıq 25 yaşındasan, 25il yanında olmaq diləyiylə əziz dostuma…

Tələsik oldu hələ çox uzun yazardım yoxsa… 

Gözlərimi yumub oturub düşünmək istədiyin vaxtlar olub əminəm.

Sən bunu edə bilmisən ya yox bilmirəm ancaq ki, bilirəm ki, sənə lazımdır bu.

Sən bəzən özündə olmayanda sevdiklərini incidə bilərsən, anlamamaları normaldır.
Anlayanları uzaqlaşdırmağın da normaldır. Ancaq düzdür ya yox ? Onu dəqiq bilmirəm.

Kiminsə hirsini kimdənsə çıxarmağın da düzdür ya yox onu da bilmirəm.
Sən irəliyə doğru gedirsən, bəlkə arxanda insanlar da var.
Bəlkə insanlar sənin arxanca gəlmir.
İnsanlar sənin ideyan, məqsədinə görə arxanca gəlirlər.
Sən səhradan keçirsən, heçkimin olmadığı səhradan.
Hansı ki o səhrada heç bir təhlükə yoxdur.

Punktlaşdıraraq yazmağı düşündüm. Məncə bu maraqlı olar…

Belədə ki, maraqlı özümə oldu bəsdir…

Ən yadımda qalan hadisələr:

1- İndiyədək yadımda qalan hadisələri yığsaq bir yerə 3-4 hadisə var ki, onlar yadımdan çıxmayacaq heç vaxt.

• Əsgərlikdə hərbi bileti aldığım an hç unudulmaz mənim çünki qərarla “ÇP”-işniklər gec təxris ediləcəkdilər. Ancaq nə oldusa hər hissəni tərk edən ilk adamlardan biri oldum…
• AFU-nun Qış Kampına seçilmisən məktubu gələndə də sevindiyim anda yaddan çıxmazlardandır.
• 11mart(2011) ərəfəsində Mehman Hüseynovla çəkdiyimiz videodan sonra axtarışa verilməyim və həmin vaxt  Abbas Atillay, Hajı Hajiyev və Azər Cırtdanın gəlib mənim yanımdan ayrılmamaları.
• N!DA-nın ilk İdarə Heyəti seçkilərində məni çox az tanıya-tanıya seçmələri də heç yadımdan çıxmayacaq.
• Vəfa Nağı ilə Oğuza getməyimiz, sonra Şəkini gəzməyimiz falan da bu illərdə olan yaddaşın bir hissəsinə yazılmış hadisədir.
• AGT-nin son partysində Günel ilə tanışlığımda yadda çıxmayacaq bir hadisədir. Çünki o tanışlıq təsadüfən oldu ki, mən təsadüflərə inanmıram. Hər hadisənin bir məqsədi, səbəbi olduğuna inananlardanam.

2-  Etdiyim səhvlər haqqında da bir az qeydlər eləmək lazımdır. Hansı ki, etdiyim səhv yada düz hərəkətlərin də sonuna dək arxasındayam…

• İndiyədək elədiyim ən böyük səhv İngiltərəyə məktəb vaxtı getmək imkanım var idi təhsil üçün. Ancaq getmədim. Ölənə qədər yadımdan çıxmayacaq olan səhv hərəkətimdir.
• Əsgərlikdə içki içməklə komandirin beynini xarab edib özüm özümə həbs verdirdiyim də səhv hərəkətlərimdən biri idi.
• 250 km Oğuzdan gəlib 11.11.11 Party-sində iştirak etməməyim də səhv idi.

3- Düz hərəkətlərim barəsində bir az yazmaq olar…Hansı ki, çox azdırlar…

• N!DA-ya qoşulmaq düz hərəkətlərimdən biri olub.
• 4cü sinifdə məsciddəki Quran kursundansa , ingilis dilini öyrənmək istəyim də mənə görə düzlərdəndir.
• AFU-ya birinci dəfə gəlməyim indiki vəziyyətə gətirib çıxardan amillərdən olduğuna görə düzdür.
• N!DA-dan nə zamansa ayrılmağımda düz qərar olacaq…

4- Tanıdığım insanlar hansı ki onlar mənim üçün dəyərli və qiymətlidirlər. Bu insanlar aramızda gələcəkdə hansısa problem olsa da unudulmayacaqlar…

• Zaur Qurbanlı – böyük qardaşım qədər çox istəyirəm xətrini nə olsun ki, depresiyyaya düşəndə birinci məni söyür…)))
• Məhəmməd İlyasoğlu – tək tük inandığım insanlardan, dostlardan biridir. Onun üçün hər şey edərəm nə olsun ki o hərdən məni səhv anlayır, yaşı azdır sonralar anlayar…
• Ali Novruzov – mənim bu gün blogging, yeni mediada nə öyrənmişəmsə Əlinin məsləhətləri əsasında olub…
• Ali Resh – Qısaca onun kimi bir dostum, tanışım olduğuma özümü çox xoşbəxt hiss edirəm.
• Pərviz (Pablo) Mamedoff – uzun müddətdir dostluğumuz var, yeganə adamdır ki, mənim beynimi oxuya bilir. Hər zaman yanımda olmasını istədiyim tək tük adamlardan biridir…
• Samir Əsədli – onun haqqında heçnə yazmaq lazım deyil. Tolerant insan axtarırsansa ünvanı Xətai metrosunun yanında, VHP nin ofisi, 4 cü mərtəbə, qapısında təşkilati işlər yazılan otaqdır…
• Aygün Aygül, Nazlı Pəncəliyevalar – mart ayında 1 il olacaq tanışlığımızın, cəsarəti, savadı qoyuram qıraqa , müharibəyə gedəsi insanlardır, çox yaxşı dostlardır. Xətirlərini çox istəyirəm. Aygül tez tez məndən incisə də…
• Günel – son zamanlarda tanış olduğuma sevindiyim insanlardandır. Onu çox sevdiyimi rahat şəkildə çəkinmədən deyə bilirəm. O yanımda olanda bütün problemlər zadları yaddan çıxarıram. Bloqumdan və yazımın bu hissəsindən bildirirəm ki, istədiyi vaxt gedib anasından alajam onu… Heçnə təsadüf olmur, hər nə olursa hər şey yaxşılığa doğru olur. Qısası da odur ki , çox istəyirəm onu… Özü də bilir…)
• Zemfira – indiyədək mənə çox hədiyyə verilib amma Zemanın verdiyi bir tablo var ki, evdə qapıdan girən kimi divara vurulub. O tabloya baxanda Zemka yadıma düşür. Gülüb keçirəm kompun qabağına…
• Aygün Hasan Alvend və Nərmin Babanlı – Hər ikisinin xətrini çox istəyirəm,  Aygün üçün söz vermişəm Aristokrat insanlar yazısını yazacağam. Aygün amma xahişimi yerə saldı qar topuya apardı…  Nərmin Babanlı isə ilk dəfə sifarişli yazını onun üçün yazmışam. Yəni 6 fevralda yazdığım və notes paylaşdığı yazının müəllifi odur. Nərminə çox təşəkkür edirəm sevdiyim insanı onun yanında görmüşəm və çox istəyirəm onu da…

Hər halda biraz da uzada bilərdim yazını sadəcə böyük bir ehtiyac görmədim. Bu mənim özümə verdiyim ad günü hədiyyəsidir.

Etibar Salmanlı (Etibarlı)

P.S. I also have wrote  a letter to Hillary Clinton about arresting of Bakhtiyar Hajiyev… It must be taken measure about this one absolutely…

Yazı : Etibar Salmanlı (Etibarlı)

Tərcümə : Nicat Quluzadə